Өнөөгийн ертөнцийн аливаа ажил хэргийг олон нийтэд хүргэх гол гүүр гарц бол зар сурталчилгаа. Гэтэл зар сурталчилгаа гэдэг зүйл манай эринээс ч өмнө байсан зүйл гэдэг нь ил болжээ. Энэ нь эрт үеэс эдүгээд хадгалагдан ирсэн Египетийн папирусаар нотлогдсон байна. Тэрхүү папирус дурсгал дээр боолын худалдааны тухай бичсэн байсан ба зарагдах боолын хувийн шинж чанар болон ажиллах төлөв байдал зэргийг нарийн тодорхой бичсэн байжээ. Зар сурталчилгааны тухай өөр бусад сонирхолтой баримтуудыг та бүхэн дэлгэрэнгүйгээс уншиж мэднэ үү.
1 Брэнд уриануудыг зарим хэл рүү хөрвүүлэхэд ихээхэн будлиан гарах үе байдаг. Cheer Pepsi хэмээх Pepsi-гийн хуучин уриаг хятад хэл рүү хөрвүүлбэл “Pepsi өвөг эцгийн чинь булшнаас гарч ирнэ.” гэсэн утгатай болж байжээ.
2 Америкийн эм, эмийн бүтээгдэхүүн үйлдвэрлэгч компаниуд судалгаа шинжилгээнээс 2 дахин их мөнгийг зар сурталчилгаанд зориулдаг.
3 Олонх цагны сурталчилгаанд цаг 10:10 цаг болж байгааг заасан байдаг нь цагны нүүрэнд инээмсэглэл тодорсон байгааг илэрхийлсэн байдаг гэнэ. Өөрөөр Лондоны Big Ben-ий цаг нэг удаа зогссон нь 10:10 цагт байсан учир цагны сурталчилгаанд ашиглагдах болсон гэдэг тайлбар ч байдаг.
4 Хүүхдийн бүтээгдэхүүний сурталчилгааг nag-factor буюу гоншигонох хүчин зүйл гэж нэрлэдэг. Учир нь эдгээр сурталчилгаа нь хүүхдүүдэд тухайн бүтээгдэхүүнийг авснаар үеийнхнийхээ дунд илүү алдартай, илүү том болох мэтээр өдөөсөн сэтгэгдлийг төрүүлдэг.
5 Ундаа усны сурталчилгаанд ашигладаг дөрвөлжин мөс нь гэрэл, халууны нөлөөгөөр хайлдаггүй. Учир нь түүнийг акрилаар хийдэг. Мөн хөөсөрсөн байдлыг харуулахын тулд усаар шингэрүүлсэн угаалгын нунтаг хийдэг байна.
6 Ronald McDonald анх 1963 онд сурталчилгаанд гарч ирсэн. 2010 онд Америкийн Corporate Accountability International байгууллагын дэмжигчид энэхүү алиалагч 50 орчим жилийн турш хүүхдүүдийг хор хөнөөлтэй хоол хүнсэнд уриалж, тэднийг таргалалт болон эрүүл бус хооллолттой холбоотой голомтот өвчтэй болгоход хүргэсэн хэмээн буруутгасан байна.
7 Зар сурталчилгаанд бохийг хоёроор нь амандаа хийн зажилж байгаагаар харуулдаг болсон нь бохины худалдаа хоёр дахин өсөхөд хүргэжээ.
8 “Dove” савангийн “Evolution of Beauty” гэх зар сурталчилгаа нь “Youtube”-д нэг шөнийн дотор ойролцоогоор сая гаруй хүн үзэж, рекорд тогтоож байжээ.
